"ဘ၀ကို အရူံးမပေးသော မိန်းခလေး"

"ဘ၀ကို အရူံးမပေးသော မိန်းခလေး"
**************************

*အမေ *သမီးဈေး ရောင်းသွားအုံးမယ် နော်.....
"သမီး"မိုးတွေရွာနေတယ် သမီးလေး ဒီနေ့နားလိုက်ပါလား....
သမီး နားလို့မဖြစ်ဘူး မေမေ ဈေးကြွေးတွေကဆပ်ရအုံးမှာလေ
မေမေ့ဆေးတွေလည်း ကုန်နေပြီ ၀ယ်ရတော့မှာ နားလို့မဖြစ်
လို့ပါမေမေ....!!!
မိခင်ဖြစ်သူသည် အဆုပ်ရောဂါဖြင့် အိပ်ရာထဲလဲနေပြီး အဖေဖြစ်သူက ဆုံးပါးသွားခဲ့တာ (၅)နှစ်ရှိပြီဖြစ်သည်....
မိခင်သည် မိုးရွာထဲ ဈေးရောင်းသွားသော သမီးလေးကို
ကြည့်ပြီး မျက်ရည်တွေတသွင်သွင်ကျပြီး ငိုကြွေးနေလေသည်!!!

ကျောင်းနေရမည့်အရွယ်လေးက ကျောင်းထွက်လိုက်ရပြီး
လောကဓံကို ငယ်ငယ်ရွယ်ရွယ်နဲ့ တိုက်ပွဲဝင်ကျော်ဖြတ်နေ
လေသည်....

သူ့နဲ့ရွယ်တူကလေး များက သူ့ကိုတွေ့ရင် နှာခေါင်းရူံ့ကြ၍
အထင်သေးသောမျက်လုံးများဖြင့်ကြည့်သောအခါ ခလေး၏
နှလုံးသားနုနုလေးမှာ နာကျင်သော်လည်း မိခင်ဆိုသော
အားနဲ့ အံကြိတ်၍ဖြတ်သန်းနေရရှာသည်...!!!
အ်ိမ်ရောက်သော် ....*အမေ*သမီးကို သမီးနဲ့ရွယ်တူတွေက
အထင်သေးကြတယ်...
လှောင်ကြတယ်...ဘာဖြစ်လို့ အဲဒီလိုလုပ်ကြတာလဲ....?
အမေဖြစ်သူသည် သမီးရဲ့မေးခွန်းကြောင့် ရင်ထဲသို့အရှိန်ပြင်း
သော အရာတခုရိုက်ခတ်သွားသော်လည်း ကြိတ်မှိတ်ပြုံး၍
*သမီး*လူတယောက်နဲ့ တယောက်ကံအကျိုးပေးခြင်းတော့
မတူညီကြဘူး....
သမီး အလုပ်လုပ်နေတာက သူများပစ္စည်းခိုးသလား...?
သမီးက မခိုးပါဘူး မေမေ...
သမီး အလုပ်လုပ်နေတာ ဘယ်လိုရည်ရွယ်ချက်နဲ့ လုပ်သလဲ?
သမီးက မိသားစု စားဝတ်နေရေးအတွက်နှင့် မေမေ့ကျန်းမာ
ရေးအတွက်ပါမေမေ....
သမီးနဲ့ သူတို့ ယှဉ်ရင် ဘယ်သူက ပိုပြီး မွန်မြတ်လဲ...?
သမီးက ပိုပြီးမွန်မြတ်တယ် ဂုဏ်ယူစရာကောင်းတယ်လို့
ထင်တယ် မေမေ...
မိခင်ဖြစ်သူက ပြုံး၍ သမီးခုရှက်သေးလား...?
မရှက်တော့ပါဘူး သမီးနားလည်သွားပါပြီ မေမေ...လောကဓံကို သမီးတတ်နိူင်သလောက် ရုန်းကန်တော့မယ်
သမီးအားမငယ်တော့ဘူး မေမေ....!!!
မိခင်က "သမီးလေး"မိဘကို လုပ်ကျွေးပြုစုတဲ့သားသမီးက
ဘယ်တော့မှ မဆင်းရဲဘူး...ခုဆင်းရဲနေတာက သမီးဘ၀
အောင်မြင်ဖို့အတွက် စာမေးပွဲစစ်နေတာပါ...မိဘကိုစိတ်ချမ်း
သာအောင် ထားတဲ့သားသမီးက ဘ၀တခုလုံးကို စိတ်ပျော်ရွှင်
မှူအပြည့်နဲ့ ဖြတ်သန်းရမှာပါ....သမီး လေးသွားအိပ်တော့နော်
တနေကုန်ပင်ပန်းလာတယ်.....ဟုတ်မေမေ...
မိခင်သည် သမီးလေးအိပ်နေတာကြည့်ပြီး ရင်ထဲတွင်ပြောမပြ
သော ခံစားမှူများဖြင့် ကြိတ်မှိတ် ငိုနေပြီး ငါ...နေမြန်မြန်ကောင်းမှဖြစ်မယ်....ငါ..စိတ်လျော့လို့မဖြစ်ဘူး ဆိုပြီး သူ့ကိုယ်သူလည်း
အားတင်းနေလေသည်....!!!

ဒီလိုနဲ့....
ရုန်းကန်လှူပ်ရှားနေသော မိန်းခလေးသည် အပျိုအရွယ်သို့
ရောက်ရှိလာပြီး မိခင်ဖြစ်သူသည်လည်းကျန်းမာရေးတော်တော်
ကောင်းလာခဲ့သည်....!!!

တနေ့တော့.....
(၇)နှစ်အရွယ်ခလေးတယောက်က *မမ* ကျွန်တော်ဗိုက်ဆာ
လို့ပါ ကျွန်တော့်ကို မုန့်ရောင်းပါလား...ကျွန်တော်ပိုက်ဆုံစုပြီး
ထိုးထားတဲ့ ထီလက်မှတ်ရှိပါတယ် ....ထီလက်မှတ်ကို မမ ယူ
ပါ ကျွန်တော့်ကို မုန့်ကြွေးပါနော်.....မောင်လေးရယ် ရပါတယ်
ထီလက်မှတ်ကို ပြန်ယူသွားပါ မုန့်လည်းမောင်လေး အဆင်ပြေ
သလောက်ယူသွားပါ...နော်
ကောင်လေးက မမ အရမ်းသဘောကောင်းတယ်ဗျာ...ထီလက်မှတ်ကို ယူထားပါ မမ....ဆိုပြီး မုန့်ယူပြီးပြန်သွားလေသည်...

နောက်နေ့များတွင် ကောင်လေးသည် မိန်းခလေးကို လာရောက်
ဝိုင်းကူရောင်းပေးပြီး မောင်နမအရင်းတွေလို ဖြစ်လာကာ မိဘ
မရှိသော ကောင်လေးကို မိန်းခလေးက မောင်တယောက်လို
အိမ်သို့ခေါ်ယူ မွေးစားထားလေသည်....

**ကံကောင်းရေ*ကောင်လေးသည် သူ့နာမည်ခေါ်၍ လှမ်းကြည့်သောအခါ သူနဲ့ရင်းနှီးခဲ့သော ထီသည်ကိုတွေ့လေသည်
ကံကောင်း မင်း တကယ်ကံကောင်းသွားပြီ.....
မင်း..သိန်း ၁၅၀၀ဆုပေါက်တယ်ကွ...ဟာဦးလေးကလည်း
မနောက်ပါနဲ့ဗျာ ၁၅၀၀ လောက်က ကျွန်တော့်အမ တနေ့ဝင်ငွေ
မရှိပါဘူးဗျ ကံကောင်းစရာလားပါဗျာ.....
ဟာ....ဒီကောင် မင်းထီလက်မှတ်ရော ဘယ်မှာလဲ အမဆီမှာ
ရှိတယ် အမပြန်လာတော့မှာ မုန့်မှာထားလို့သွားပို့နေတယ်....
အမ ပြန်ရောက်လာသော် အမ ရေ...ထီလက်မှတ်ရော ဘယ်မှာလဲ...?ရှိတယ် မောင်လေး ဘာဖြစ်လို့လဲ.. .?
ထီသည်က ...ညီမလေးမောင် သိန်း ၁၅၀၀ ပေါက်တယ်ဟေ့
ညည်းတို့ ချမ်းသာပြီဟေ့...ဟင်တကယ်လားအကိုကြီး...
ငါ့ မှာထီပေါက်စဉ် ပါတယ် တိုက်ကြည့်လေ....
ထီလက်မှတ်ထုတ်ပြီး တိုက်ကြည့်တော့ မိန်းခလေးသည်
အရမ်းဝမ်းသာသွားပြီး စကားမပြောနိူင်တော့ဘဲ ငိုလေတော့
သည်....!!!

အိမ်ပြန်ရောက်သော် မိခင်ဖြစ်သူကိုပြောပြသောအခါ မိခင်ဖြစ်
သူလည်းအရမ်းဝမ်းသားသွားပြီး ....*သမီး*....သမီးကို
အမေပြောခဲ့ဘူးတဲ့ မိဘကို လုပ်ကျွေးတဲ့သားသမီး
မိဘကို စိတ်ချမ်းသာအောင် ထားတဲ့သားသမီး ကဘယ်တော့
မှ မဆင်းရဲတော့ဘူးဆိုတာ သမီး လက်ခံပြီမဟုတ်လား....
သမီးယုံကြည်ပြီးသားပါ မေမေ ခုလိုအချိန်ကာလတိုတိုလေးမှာ
တန်းပြီး အကျိုးခံစားရလိမ့်မယ်လို့တော့ သမီးမထင်ခဲ့မိပါဘူး
မေမေရယ်.....သားအမိ ၃ ယောက် ဖတ်၍ ငိုကြွေးကြလေသည်....
ယခု ကျသော မျက်ရည်သည် ၀မ်းသာလွန်း၍ ကျသောပီတိမျက်
ရည်များ ဖြစ်ပါတော့လေသည်....!!!!!

လေးစားစွာဖြင့်♥ ♥ ♥
ဇင်းနစ် မကွေး (own idea)

ဖား ၆ ကောင် ပုံပြင်

ဖား ၆ ကောင် ပုံပြင်

တစ်ခါက ဖား ၆ ကောင်ဟာ အစာရှာ ထွက်ရင်း ရေတွင်းပျက် ထဲ ပြုတ်ကျ ခဲ့ ပါတယ်
ဒါပေမယ့် ရေတွင်းထဲမှာ လက်ကျန်ရေ
ရှိ နေသေးတော့မသေ ခဲ့ကြ ပါဘူး
ကယ်ပါယူပါ တစ်စာစာ အော်ဟစ်နေကြမယ့် ဘယ်သူမှလာမကယ်
ပဲ နောက်ဆုံး အမောလွန်ပြီး မအော်ကြ တော့ပါ ဘူး အဲ့ဒီ အခါ မှာ့့
ပထမဖား တစ်ကောင်က
" ငါတို့တော့ ဘဝ ဆုံးပါပြီ ကယ်မယ့်သူ
လည်း မရှိ စိတ်ညစ်ပါ ဘိ" ဟုအော်ဟစ်ငိုကြွေး နေတော့့
ဒုတိယဖားက
" ဟျောင့် ငိုမနေနဲ့ ကွ ဘွဆိုတာ
ဒီလိုပဲ စိတ်မပူပါနဲ့ အချိန်တန် ကယ်သူ လာမှာ"
ဆိုပြီး သီချင်းတွေ ဆိုနေ ပါတော့ တယ်
တတိယဖား ကတော့
" မိုးနတ်မင်းကြီး ကယ်တော်မူပါ
အရှင့်တန်ခိုး ၂ ဆ တိုး မိုးများရွာသွန်း ပါတော့ မိုးများများ ရွာမှ ရေတွင်းထဲ ရေပြည့် အပေါ် မြန်မြန် တက်နိုင်မှာ "
ဆုတောင်း သတဲ့
စတုတ္ထဖားကတော့
တစ်လောကလုံး ကို အပြစ်တင်နေခြင်းသာ
ပြုနေ ပါ သတဲ့
ပဉ္စမ ဖားကတော့ စဉ်းစားခန်း ဝင်ရင်း
" အပေါ်တက်ရင် ကောင်းမလား
ငါတက် နိုင်ပါ့မလား ပြုတ်ကျမှာ လား
ပြုတ် ကျရင် ဟိုကောင်တွေ ရီမှား လား"
ဆဌမ ဖားကတော့
ကျန်တဲ့ ဖား ၅ ကောင် တစ်ယောက်တစ်ပေါက် ဖြစ်နေချိန်မှာ
ရေတွင်းနံရံကနေ တွယ်တက်နေတာ
ရေတွင်း အလယ်လောက် ရောက်နေပါပြီ
ကျန်တွေဖားတွေ က
" ဟျောင့် ဆင်းခဲ့ ပြုတ်ကျ သေတော့ မှာပဲ
မင်းက အရူးပဲ ဘယ်လို တက်လို့ရမှာလဲ "
ဝိုင်းအော်ကြပေမယ့် ဆဌမဖားကတော့
ဂရုမစိုက် သူ့အလုပ်သူလုပ် ဆက်လုပ်နေ ပါတယ်
ဒီလိုနဲ့ ညနေစောင်း ရောက်လာတဲ့ အချိန်
ရေတွင်းထဲက ဖား ၅ ကောင်လည်း ကယ်ပါ
ယူပါ အော်ရလွန်းလို့ အသံမထွက် တိတ်ဆိတ် နေပါတယ်
အဲ့ဒီ အချိန် ရေတွင်းပေါ်က ကြိုးတစ်ချောင်း
ကျလာတော့ သူတို့ ၅ ကောင် ဝမ်းသာ အားရ ဖြစ်လာပါတယ်
" ဟေ့ကောင်တွေ ငါချ ပေးတဲ့ ကြိုးတွေ့ လားကွ ကြိုးကနေ တက်ခဲ့ကြတော့
အပြင်မှာ မှောင်ပြီး မိုးချုပ်တော့ မယ်
မြန်မြန် လုပ်ကြဟေ့ "
ဆဌမဖား ရဲ့ ကြိုးစားမှု ဇွဲရှိမှု ကူညီမှုများ ကြောင့် ရေတွင်းထဲက ဖား ၅ ကောင် အသက်ရှင် ပျော်ရွှင် ခဲ့ကြပါတယ်
ဖား ၆ ကောင် ပုံပြင်ကနေ ကျနော်တို့ အတွက်
၁ ။ ပထမ ဖားလို လွယ်လွယ်နဲ့ အရှုံး ပေးသူ
မဖြစ်ပါနဲ့
၂ ။ ဒုတိယ ဖားလို ဘဝ ကိုရေစုန် မျောသူ မဖြစ်ပါနဲ့
၃။ တတိယဖား လို တစ်ပါးသူ အပေါ် မှီခိုသူ
မဖြစ်ပါနဲ့
၎ ။ စတုတ္ထဖား လို အပြစ်တင်ဝေဖန်သူ မဖြစ်ပါနဲ့
၅ ။ ပဉ္စမ ဖားလို ယုံကြည်မှု ကွယ်ပျောက်
တွေဝေနေသူ မဖြစ်ပါ နဲ့
၆ ။ ဆဌမ ဖား လို ဇွဲရှိသူ ကြိုးစားသူ
စိတ်ဓာတ် ကြံ့ကြံ့ခိုင်နိုင်သူ ဖြစ်ဖို့ လိုအပ် ပါသည်
ကူယူဖော်ပြချင်းဖြစ်ပါတယ်

                                                  Copy par
                                                 Mg Bo Kyaw

မိဘ​ေက်းဇူး

``ဟလို မေမေလား´´
``မဟုတ်ဘူး သားလေး ဘာပြောစရာရှိလို့လဲ´´
``အော် ဖေဖေလား ဖေဖေ မေမေ့ကို ခေါ်ပေးပါလား ပြောစရာရှိလို့´´
``အော် အေးအေး´´´
မီးဖိုထဲမှာ ပန်းကန်ဆေးနေတဲ့ သားအမေကို ခေါ်ပေးပြီး ကျုပ်လည်း ဖတ်လက်စသတင်းစာကို ဆက်ပြီး ဖတ်နေမိတယ်.........
သားနဲ့အမေ ဖုန်းပြောနေတာကို ကြည့်ရတာ ပျော်စရာသတင်းကောင်း ထင်ပါရဲ့ ပြုံးလိုက် ရယ်လိုက်နဲ့ ပြောနေကြတာ.......
ခဏကြာတော့ သားအမေ ဖုန်းချပြီး
``ရှင့်သား မနက်ဖြန် ပြန်လာမယ်´´တဲ့
ကျုပ်ကိုပြောပြီး မီးဖိုခန်းထဲ ပြန်ဝင်သွားတယ် .....
အော် သားလေး အရေးကြီးတဲ့စကားဆိုတာ ပြန်လာမယ် ပြောတာကိုး ဖေဖေ နေကောင်းလား အလုပ်အဆင်ပြေလား မမေးနိုင် သားလေးနဲ့စကားတွေ အများကြီး ပြောချင်တာတောင် မေမေ့ကိုခေါ်ပေးပါဆိုလို့ ``အော် အင်းအင်း ´´နဲ့ပဲ ကျေနပ်ခဲ့ရတာ ကျုပ်လည်း သူ့အဖေတစ်ယောက်ပါဗျာ.......

သားလေး ပြန်လာပါပြီ.....
၁နှစ်ကျော်လောက် ကျုပ်တို့နဲ့ခွဲပြီး အလုပ်သွားလုပ်နေတဲ့သားလေး ပြန်လာပြီ.....
ကျုပ်နဲ့သားအမေလည်း ခြံဝရောက်နေတဲ့သားလေးဆီကို ပြေးပြီး သွားနေမိတယ်.......
သားလေးလည်း ကျုပ်တို့ကို မြင်တော့ ပြေးလာတယ်......
ပြီးတော့ သူ့အမေကို ဖက်လိုက်တယ် သူ့အမေပါးပြင်တစ်ခုလုံးကို သားလေး နမ်းပစ်တယ် သူ့အမေကလည်း သားလေးကို နမ်းပြီး လွမ်းတဲ့အကြောင်း တစ်ခါမှ အခုလိုအကြာကြီး မခွဲဘူးတော့ အိမ်က အထီးကျန်သွားတဲ့အကြောင်း သားအမိနှစ်ယောက် ပြောနေလိုက်ကြတာဗျာ....
ကျုပ်မှာတော့ လက်နှစ်ဖက်ကို ရှေ့မှာဆန့်ဆန့်ကြီးထားပြီး သားလေးကို ဖက်ဖို့ကြည့်နေရတာ.......
ခဏကြာတော့ သူ့အမေနဲ့သားလေး စကားတွေပြောရင်းနဲ့ အိမ်ထဲကို ဝင်သွားကြတယ်.......
ကျုပ်ကတော့ ဒီအတိုင်းပဲ ကြည့်နေပြီး နောက်က လိုက်သွားရတာ......
ကျုပ်လည်း သူ့အဖေတစ်ယောက်ပါဗျာ......

``ရော့ မေမေ ဒါက မေမေ့အတွက်အားဆေး ဒါက အမူးပြေဆေး ဒါကတော့ မေမေ့အတွက် အင်္ကျီ မေမေကြိုက်တဲ့ပန်းသီးတွေလည်း သား ဝယ်ခဲ့တယ် သိလား အရးမ်လွမ်းတယ် မေမေရာ ဖေဖေအတွက်တော့ သား မဝယ်တတ်လို့ မပါခဲ့ဘူး ဖေဖေ သားကို စိတ်မဆိုးနဲ့နော် နောက်တစ်ခါ ပြန်လာရင် ဖေဖေ့အတွက် အများကြိး ဝယ်ခဲ့ပါ့မယ်ဗျ´´
သားလေးက သူ့အမေကို ပြောနေတာဗျာ ကျုပ်ကိုတော့ ဖေဖေ့ကို လွမ်းတယ် လို့ ဘာလို့ မပြောပါလိမ့် ဖေဖေ့အတွက်က နောက်တစ်ခါမှ တဲ့.......
ကျုပ် အများကြီး မလိုချင်ပါဘူး ကျုပ်ဘေးနားလာပြီး ဖေဖေ ဖေဖေနဲ့ သားလေးပြောတာလေးတစ်ခုပါပဲ......
ကျုပ်လည်း သူ့အဖေတစ်ယောက်ပါဗျာ.. ......

ကျုပ်လည်း သူ့အဖေတစ်ယောက်ပါဗျာ ကျုပ် ရင်နဲ့လွယ်ပြီး မမွေးခဲ့ရပေမဲ့ ကျုပ်သွေးတွေနဲ့မွေးလာခဲ့တာပါ.........
သားလေးအတွက် နို့ချိုတွေ မတိုက်ကျွေးနိုင်ပေမဲ့ ပုခုံးပေါ်တင်ပြီးတော့ ယုယမှု့တွေ ပေးနိုင်ပါတယ်.......
ငယ်ငယ်ကတည်းက ကျုပ်ရင်ခွင်ကချွေးနံရလို့ဆိုပြီး တစ်ခါမှ မဖက်ခဲ့ပါဘူး....
ကျုပ်ထွက်တဲ့ချွေးက သားလေးအတွက် ထွက်တာပါ သားလေးရယ် ဖေဖေ့ချွေးနံ့က မေမေ့နို့နံ့လောက်တော့ ဘယ်ရနံကောင်းမလဲ သားရယ်..........
သားလေးကို အင်္ကျီလဲမပေးနိုင်ခဲ့ပေမဲ့ အင်္ကျီဝယ်နိုင်အောင် ဖေဖေ လုပ်ပေးနိုင်ခဲ့ပါတယ်........
သားလေးကို ထမင်းခွံ့မကျွေးနိုင်ခဲ့ပေမဲ့ ထမင်းစားလို့ရအောင် ဖေဖေ လုပ်ပေးနိုင်ခဲ့ပါတယ် သားရယ်..........
ငယ်ငယ်က
သားလေး ညညမအိပ်ရင် သီချင်းဆိုပြီး ဖေဖေချော့မသိပ်တတ်ပါဘူး ဒါပေမဲ့ သားလေး မအိပ်မချင်း ဖေဖေလည်း မအိပ်ခဲ့ပါဘူး သားလေးရယ်......
သားလေးကြိုက်တဲ့မုန့်တွေကို ဖေဖေခွံ့မကျွေးနိုင်ခဲ့ပေမဲ့ မုန့်တွေ အများကြိ်းစားနိုင်အောင် လုပ်ပေးနိုင်ခဲ့ပါတယ်.. .......
သားလေးကို ကျောင်းသွားကျောင်းပြန် လိုက်မပို့နိုင်ခဲ့ပေမဲ့ သားလေး ကျောင်းတက်နိုင်အောင် ဖေဖေ ကြိုးစားခဲ့တာပါ........
ဖေဖေ အလုပ်လုပ်တာ သားလေးအတွက်ပါ....
ဖေဖေ ပိုက်ဆံတွေအများကြီး ရှာနေတာ သားလေးအနာဂတ်အတွက်ပါ..သားရယ်......

အမေနဲ့အဖေဆိုရင် အမေ့ကိုပဲ ခင်တတ်ကြတယ် အမေ့ကိုပဲ ချွဲတတ်ကြတယ် အမေကိုပဲ ချစ်ကြတယ် အဖေဆိုတာကို ချစ်ရမှန်း မသိကြဘူး အဖေ့အတွက်ဆိုပြီး ဝယ်ပေးခဲ့တာ မရှိခဲ့ဘူး..........
ထမင်းခွံ့ကျွေးခဲ့တဲ့မေမေကိုပဲ ချစ်ကြတယ် ထမင်းစားနိုင်အောင် အလုပ်လုပ်နေတဲ့ ဖေဖေကို မချစ်ခဲ့ကြဘူး..........
အမေကိုပဲ စကားတွေ အများကြီး ပြောတယ် အဖေနဲ့ သိပ်ပီး မပြောဖြစ်ကြဘူး.........
ဘာပဲဖြစ်ဖြစ်ပေါ့ အဖေဆိုတာလည်း ကျနော်တို့လို သားသမီးတွေအတွက် အနန္တဂိုဏ်းဝင်တစ်ပါးပါပဲ.........
မိဘတွေကို ချစ်တယ် ချစ်တယ် နဲ့ တကယ်တော့ အမေကိုပဲ ချစ်ကြတာပါ အဖေကို မချစ်ကြပါဘူး ............
အဖေတွေမှာလည်း ကိုယ့်သားသမီးတွေဆီက ချစ်တာ ချွဲတာ လိုချင်ကြတာပေါ့.....
အလုပ်က ပြန်လာတဲ့အချိန် မိန်းမတိုက်တဲ့ရေတစ်ခွက်ထက် သားသမီးတိုက်တဲ့ရေက ပိုပြီး အမောပြေမယ် ထင်ပါတယ်..........
အမေနဲ့အဖေကို တန်းတူချစ်နိုင်ကြပါစေ..... 
အဖေကို အမေလိုပဲ ချစ်နိုင်ကြပါစေ.......
အမေ့ကျေးဇူးသိသလို အဖေ့ကျေးဇူးလည်း ဆပ်နိုင်ကြပါစေ........

                                    #nkp

🎆

"အမေ သားမနက်ဖြန် ဘွဲ့ ယူရမှာနော်"

"အမေ သိပါတယ် သားရယ် အာ့ကြောင့် လမ်းထိပ်က
ဒေါ်ကျော့ဆီမှာတောင် အမေအကျီင်္အပ်ထား ....
ပါသေးတယ် အမေ့မှာ အကျီင်္အသစ်မရှိတော့ဘူးလေ ...."

"ဟင်....အမေက လိုက်မလို့ လား အိမ်မှာ ..အဖေ့ကို
စောင့်ဖို့ လူမရှိဘဲ ဖြစ်နေမှာပေါ့ ......"

"သားအဖေက သက်သာနေပါပြီ သားရယ်
ဝှီးချဲလေးနဲ့ ခေါ်သွားရင် ရပါတယ်....."
.
.
.
.
သားဖြစ်သူ စိတ်ညစ်သွားတယ် ဒီလိုပွဲမျိူးကို သူ့ မိဘတွေကို
မခေါ်ချင်လို့ တော့ မဟုတ်ပါဘူး ဈေးထဲမှာ
ကြက်သားရောင်း ....စကားပြောရင် အော်ကျယ် အော်ကျယ်
ပြောတတ်တဲ့ အမေနဲ့ လေဖြတ်ပြီးလို့ နလန်ထူကာစ အဖေ့ကို ဒီလိုပွဲမျိုးမှာ
သူပွဲမထုတ်ချင်.........။

သူငယ်ချင်းတွေ ကြားထဲ မိတ်ဆက်ပေးဖို့ ခက်တယ် ။
ဒါနဲ့ ပဲ....မျက်နှာပျက်ပျက်နဲ့ သူ့ အမေကိုပြောလိုက်တယ် ။
.
.
.
.
"မလိုက်ပါနဲ့ အမေရာ ခန်းမထဲကို ၀ှီးချဲ
လည်း ၀င်လို့ ရတာ မဟုတ်ဘူး...။
အမေတို့ လိုက်လာလို့ လည်း ဘာမှထူးခြားသွားမှာမှ မဟုတ်တာ..
သားတစ်ယောက်ထဲ သွားမယ် .....။

မိခင်ဖြစ်သူမှာ သားရဲ့ တဇွတ်ထိုးဆန်တဲ့ စိတ်ကိုသိလို့ 
နာကျင်မိတဲ့ စိတ်ထဲက ဒဏ်ရာကို
အပြုံးနှင့် ဖုံး၍........

"အေးပါကွယ်....သားလေးသဘောပါ သားလေး
ဘွဲ့ ရတာနဲ့ တင် အမေတို့ က
ကျေနပ်ပါတယ် .... အမေအိမ်မှာဘဲ သားအဖေကို
စောင့်နေလိုက်ပါ့မယ်. .........."

သားဖြစ်သူလည်းကျေနပ်ပြီး အိပ်ယာစောစောဝင်ခဲ့တယ် ။
မိခင်ဖြစ်သူကတော့ အိပ်ယာပေါ်မှာအိပ်ပျော်နေတဲ့ ယောက်ျားကိုကြည့်ပြီးး
မချိပြုံးလေး ပြုံးခဲ့ရတယ် .........။

မနက်မိုးလင်းတော့ သားလေးစားဖို့ မိခင်ဖြစ်သူက မနက်စာကို
အရင်ကထက် ပိုဂရုစိုက် .... ....
ပြင်ဆင်ပေးထားတယ် ..... ဘွဲ့ ယူသွားမှာဆိုတော့
ဗိုက်နာမယ့် အစားအစာတွေ မဖြစ်အောင် ဂရုစိုက်လို့ ပေါ့
.
.
.
.
"သားရေ.....မနက်စာအဆင်သင့် ဖြစ်ပြီနော်"

"မစားတော့ဘူး အမေ သားသူငယ်ချင်းတွေနဲ့ ကျောင်းနားက
စားသောက်ဆိုင်မှာ ချိန်းထားတယ်
အဲ့ဒီမှာဘဲ သားစားတော့မယ်........."

"အော် .....အင်းပါ သားရယ် သားလေး ဓါတ်ပုံတွေ ရိုက်ခဲ့နော်
မေမေတို့ ပြန်ကြည့်ချင်လို့ ..........."

"ဟုတ်ကဲ့ပါဗျာ ..... သွားပြီနော် ......"။

ဒီလိုနဲ့ သားဖြစ်သူက သူငယ်ချင်းတွေနဲ့ ချိန်းထားတဲ့
စားသောက်ဆိုင်ရောက်တော့ လူတောင်တော်တော်စုံနေပြီ
နာရီကိုကြည့်တော့လဲ ဘွဲ့ ယူဖို့ အချိ်န်က တစ်နာရီလောက်
လိုနေသေးတယ်ဆိုတော့ မနက်စာစားဖို့ မှာလိုက်တယ်ါ်
သူငယ်ချင်းဖြစ်သူတွေကို ကြည့်တော့
တစ်ယောက်ထဲ လာတဲ့သူနဲ့ မိဘခေါ်လာတဲ့သူနဲ့ ပေါ့ ........

အဲ့ဒီအချိန်မှာ သူ့ ရဲ့ သူငယ်ချင်းတစ်ယောက်က
သူ့ အမေနဲ့ မိတ်ဆက်ပေးတယ် ..........

'ဟေ့ရောင် ဒါငါ့အမေလေ ငါဘွဲ့ ယူတာ
လိုက်လာခဲ့ပေးတာ ............
အမေ....ဒါက သားသူငယ်ချင်းပါ

မိတ်ဆက်ပေးတဲ့ သူငယ်ချင်းအမေကို လက်ဆွဲနှုတ်ဆက်တော့
အဒေါ်ကလည်း ပြန်လက်ဆွဲ နှုတ်ဆက်တယ်
ဒါပေမယ့် ...... ညာဘက်လက်နဲ့ တော့ မဟုတ်ဘူး
ဘယ်ဘက်လက်နဲ့ ဆိုတော့ ကောင်လေးမှာ ထူးဆန်းပြီး
ညာဘက်လက်ကို ကြည့်လိုက်တယ်.....

"ဟင် ..... အဒေါ့်လက်မှာပါတ်တီးကြီး
နဲ့ ပါ့လား ..... ဘယ်လိုဖြစ်တာလဲ ... ?

'ဒါနဲ့ ....ကောင်လေး သူငယ်ချင်းက၀င်ဖြေတယ်

ဒီလိုကွ .... ငါ့အမေက ငါးရောင်းတာ အဲ့ဒါမနေ့ က
ဝယ်တဲ့သူကို ငါးကိုင်ပေးတာလေ လက်ကိုဓါးထိသွားတာ
အဲ့ဒီဒဏ်ရာနဲ့ ညက အဖျားတွေ တက်လို့ ကွာ ငါ့မှာစိတ်ပူလိုက်ရတာ
ဒီမနက်မှ ပြန်ကောင်းလာတာလေ ဒါတောင် မလိုက်ဘူးလုပ်နေတာ
ငါက အတင်းဆွဲခေါ်လာလိုက်တာလေ
ငါ့ကိုခုလိုဘွဲ့ ခန်းမထဲရောက်အောင် ငါ့အမေက ဈေးထဲမှာ
ငါးရောင်းပြီး ကျောင်းထားခဲ့ရတာကွ .........
ဒါနဲ့ .... မင်းအဖေနဲ့ အမေကော ....မတွေ့ ပါ့လား

ကောင်လေးမှာ သူ့ သူငယ်ချင်းရဲ့ စကားတွေ
နားထောင်ပြီး နောင်တများစွာနဲ့ ....

"အော် ...... အင်း....နောက် ...နောက်က လိုက်လာတယ်ကွ
ငါ့ကို ခဏခွင့်ပြုပါဦးကွာ......
မင်းတို့ ဘွဲ့ ခန်းမကဘဲ စောင့်နေနော်"
.
.
.
.
စကားလည်း အဆုံး ကားလမ်းမပေါ်ထွက်ပြီး Taxi တစ်စီး
ငှားပြီး အိမ်ပြန်ခဲ့တယ်

အိမ်ပေါ်ရောက်တော့ တံခါးကြီး ဖွင့်ထားတာ တွေ့ လို့ 
အဖေနဲ့ အမေအခန်းကိုဝင်ဖို့ လုပ်တုန်း အခန်းထဲက
အသံတွေကြားမိတယ် ။

"ဖေကြီးရေ သားကတော့ ဘွဲ့ ယူသွားပြီတော့ ကျမကတော့
ဘွဲ့ ခန်းမကို မလိုက်ရလဲ သားနဲ့ အတူတူရှိနေသလို
အင်္ကျီအသစ်တွေ ၀တ်ထားတယ် ရှင့်ကိုလည်း တိုက်ပုံအသစ်
ဝတ်ပေးထားတာ တွေ့ လား...."

"တွေ့ ပါတယ် မေကြီးရာ သားလေးပြန်မလာခင်တော့ ငါတို့ တွေ
အကျီင်္လဲ ရမယ်နော် တော်ကြာ အဖေနဲ့ အမေက အဖြစ်သည်းတယ်
ပြောနေပါဦးမယ်ကွာ........... ဟားဟားဟား"

"ဟုတ်ပါ့တော် ...... သားလေးက ရှင့်ကိုစိတ်ပူပြီး ကျုပ်
ကိုမခေါ်တာတော့ သူ့ အဖေတစ်ယောက်တည်း ဖြစ်နေမယ်တဲ့
အဲ့တော့မှ ...... ကျုပ်လည်း ရှင့်ကိုသတိရပြီး နေခဲ့လိုက်တာ
သားလေးသာ သတိမပေးရင် ရှင်တစ်ယောက်တည်း ကျန်ခဲ့မှာ......သိလား
အဲ့ဒါ သားလေးကို ရှင် ...... ကျေးဇူးတင်"

"အေးပါကွာ.......အေးပါ....အင်းငါတို့ သားလေး
ဘွဲ့ ရပညာတတ်ဖြစ်ပြီနော်"

ထိုစကားတွေဟာ ကောင်လေးရင်ကို
သံချွန်နဲ့ ထိုးလိုက်သလိုပါပဲ
မခေါ်ချင်လို့ ထားခဲ့တဲ့ မိဘနှစ်ပါးက အပြစ်မမြင်တဲ့အပြင်
အမေက ငါ့အပြစ်ကို မသိသလိုပါ့လား.......
ဒါနဲ့ အခန်းထဲဝင်ပြီး.........
.
.
.
.
"အမေနဲ့ အဖေ"

"ဟင်.....သားဘွဲ့ ယူပြီးပြီလား မြန်လိုက်တာ..."

မိဘနှစ်ပါးမှာ အ၀တ်အစားသစ်တွေနဲ့ မို့ 
မနေတတ် မထိုင်တတ်
သားလေးမေးလာလျှင် ဘယ်လိုဖြေရပါ့မလဲလို့ တွေးနေချိန်...

"အဖေနဲ့ အမေ့ကို လာခေါ်တာပါ......... ဘွဲ့ ခန်းမ
မှာအဖေနဲ့ အမေကိုအတွက် နေရာရှိသလို .... သားရင်ထဲမှာလဲ
အမြဲနေရာရှိပါတယ် ........ သားကိုခွင့်လွှတ်ပါနော်"

မိဘနှစ်ပါးရှေ့ မှာ ထိခြင်း ငါးပါးနဲ့ ရှိခိုးမိတယ်.....
မိဘနှစ်ပါးကတော့ ၀မ်းသာတဲ့မျက်ရည်စတွေနဲ့ ဆုတွေပေးလို့ ....
.
.
.
.
(မိဘဆိုတာ ကမ္ဘာပေါ်မှာ အောက်တန်းအကျဆုံး
အလုပ်လုပ်နေရင်တောင် ........အဲ့ဒါဟာ သူတို့ အတွက် မဟုတ်ပါဘူး ....
သူတို့ သားသမီးတွေအတွက်ပါ........သူတို့ သားသမီးတွေ အတွက်ဘဲ
မလုပ်ချင်တဲ့အလုပ်ကို သူတို့ လုပ်နေရတာပါ........)

တကယ်တော့ လောကမှာ အစားထိုးလို့ မရတဲ့
အရာတွေထဲမှာ မိဘဟာ နံပါတ်တစ်ပါ ............

━━━━━━━━━━━━━━━━━━━━

(#သိမှတ်ဖွယ်ရာ_ဗဟုသုတရွာ)
Credit.        ;Min Ye (စစ်တက္ကသိုလ်)
်

ချစ်​​မေတ္တာ

မေမေ့အပေါ် ချစ်မတ္တာဖော်ပြဖို့ သူက ကျောက်တုံးကြီးတစ်လုံးကို မေမေ့ရုပ်တုအဖြစ် ထုထွင်းထားတယ်။

ထာဝရ လက်တစ်စုံ

ထာဝရ လက်တစ်စုံ
✿✿✿✿✿✿✿✿
(စာလေးက သိပ်ကောင်းလိုက်တာ)

❄ 13 နှစ် အရွယ် ကောင်မလေးနဲ့
သူ့အမေတို့ ပန်းခြံထဲမှာ
ကြိုးတံတားပေါ် လမ်းလျှောက်ကြတယ် ။

❄ ကြိုးတံတားက လှုပ်ရမ်းလာတော့
သမီးလေးက ပြောတယ်...

(1) "အမေ သမီးကြောက်တယ်"

(2) "မကြောက်နဲ့သမီး ၊
အမေ့လက်ကိုသာ ကိုင်ထား ။ "
.
.
.
(1) "ဟင့်အင်း ၊
အမေသာ သမီးလက်ကိုကိုင်ထား ။ "

(2) "အတူတူပါပဲ သမီးကလည်း"
.
.
.
(1) "မတူဘူး အမေ ၊
သမီးက အမေ့လက်ကို ကိုင်ထားတုန်း
ကြိုးတံတားက တစ်ခုခုဖြစ်ခဲ့ရင်
အမေ့လက်ကို လွတ်ချင် လွတ်လိုက်မိမှာ
အမေကသာ သမီးလက်ကိုကိုင်ထားရင်
ကြိုးတံတားက တစ်ခုခုဖြစ်ခဲ့လည်း
အမေက သမီးလက်ကို လွတ်မှာမဟုတ်ဘူးလေ..."

❄ သားသမီးကသာ မိဘလက်ကို
လွတ်ချင် လွတ်မိတတ်ကြတယ်
ဒါပေမယ့်
မိဘတွေကတော့ အမြဲတမ်း သားသမီးလက်ကို
ဖမ်းကိုင်ထားပါတယ်.....။

❄ ဘယ်လိုအခြေအနေနဲ့ပဲ ကြုံလာပါစေ
သားသမီး လက်ကို
မလွတ်တတ်တဲ့ မိဘတွေဟာ
အမြဲတမ်း သားသမီးဘက်က
ရပ်တည်ပေးနေကြသူတွေပါ.....။ ။

မိဘတွေရဲ့ နွေးထွေးအေးမြသောရင်ခွင်နဲ့
အားအင်တွေပေးပြီး ကမ်းလင့်ကြိုဆို တွဲထူတတ်သော
လက်တစ်စုံကို သတိမရရင်တောင်
ကြီးမားကျယ်ပြန့်လှသော မိဘမေတ္တာကို
ပြက်ရယ်ပြု မသိကျိုးကျွံ နေထိုင်တတ်ကြသော
သားဆိုး သမီးဆိုးတွေ မဖြစ်ကြပါစေနဲ့လို့......

━━━━━━━━━━━━━━━━━━━━

(#သိမှတ်ဖွယ်ရာ_ဗဟုသုတရွာ)
Special Credit.   ; အလှအပခံစားတတ်သူများနှင့် မြန်မာ့အလှ